پشاور: گورنرخیبرپختونخوا فیصل کریم کنڈی نے کہا ہےکہ خیبرپختونخوا میں بھی دہشتگردوں کے خلاف بلوچستان کی نوعیت کے آپریشن کی ضرورت ہے۔
جیو نیوز سے گفتگو کرتے ہوئے فیصل کریم کنڈی نے کہا کہ بلوچستان میں جاری آپریشن کو بلوچستان حکومت کی مکمل حمایت حاصل ہے، افغانستان دہشتگردوں کی حمایت کر رہا ہے، اسی لیے بارڈرز بند ہیں۔
انہوں نے کہا کہ افغانستان سے بارہا کہا کہ بھارت اور اسرائیل اس کی سر زمین پاکستان کے خلاف استعمال کر رہے ہیں، پاکستان کےخلاف جہاں سےبھی دہشتگردوں کو حمایت ملےگی، وہاں آپریشن کریں گے لہٰذا خیبرپختونخوا میں بھی بلوچستان کی نوعیت کےآپریشن کی ضرورت ہے،
گورنر کے پی کا سیاسی صورتحال پر کہنا تھا کہ سیاسی حالات بدلتے رہتے ہیں، آج مسلم لیگ (ن) کےساتھ ہیں، آگےکا کچھ نہیں کہاجاسکتا، گلگت بلتستان کے انتخابات میں پیپلزپارٹی اور (ن) لیگ مدمقابل تھے، بعد میں گلگت بلتستان میں حکومت سازی کیلئےاکٹھےہوئے اور آزاد کشمیر کےانتخابات میں بھی ایک دوسرے کا مقابلہ کررہے ہیں۔
